आवो आवो रामा पीर

आवो आवो रामा पीर।  पधारो रमा पीर।
म्हारी सुन लीज्यो अर्जी।

बाजरा रोटी दीज्यो । ऊपर शक़्कर घी।
ओढबाने कंबल दीज्यो। घना पड़ग्या सी। 
म्हारी सुन लीज्यो अर्जी।

रहबाने हवेली दीज्यो। रखवालीने ठाकर।
मागताने परचा दीज्यो। सेवा करने चाकर।
म्हारी सुन लीज्यो अर्जी।

आयुनो तो खेत दीज्यो। बिमे दीज्यो नाड़ी।
अनधनरा भंडार दीज्यो भेसने दीज्यो पाड़ी।
म्हारी सुन लीज्यो अर्जी।

दोय म्हाने हळिया दीज्यो। हाक दीज्यो गाड़ी।
दोय म्हाने बैल दीज्यो। बिचम दीज्यो गाड़ी।
म्हारी सुन लीज्यो अर्जी।

टाबरिया सपूत दीज्यो। कमा कमाकर खावे।
पंचामे जद बैठ्यो दिखू। हुको भर भर लावे।
म्हारी सुन लीज्यो अर्जी।

हिरदे दीज्यो चांदणो। आख्या दीज्यो ज्योत।
इत्ती बाता दीज्यो बापजी। हरजी वाली ज्योत।
म्हारी सुन लीज्यो अर्जी।

मंदिर आगे तिवरो दीज्यो। रंगसु धोळी गाय।
सेवक थारो करे बिनती। सुणज्यो म्हारी राय।
म्हारी सुन लीज्यो अर्जी।

भाव दीज्यो भक्ति दीज्यो।  और दीज्यो जित।
जोशीरा थे अर्जी सुणज्यो। गावे थारा गीत।
म्हारी सुन लीज्यो अर्जी।