गजानंदजी की स्तुति

 

।। स्तुति शारदा की ।। 

सिवरूँ  माता शारदा कंठा विराजो आयजी ।
दद अक्षर टालो  भरो अन धन्न का भण्डारजी ।
गुरु नंद का ध्यान विनती करु बारंबारजी। 
कहे माधोसिंह पढीयार आ बेड़ा लगादो पारजी । 

।। गजानंदजी की स्तुति ।। 

महाराज गजानन आयोजी म्हाकी सभा में रंग बरसावोजी ।
म्हाकौ समा में रंग बरसावोजी लारे रिद्ध सिध्द संग मैं ल्यावो।।  टेर

गढ रणत भंवर का राजा थाके बाजे नौबत बाजा । 

थे मूसा पर चढ़ आवोजी भक्तां घर चंवर ढुलवो। महाराज

माता गिरजा के हो लाला थाके चढे मिठाई माला । 

ये रुच रुच भोग लगावोजी म्हाने परसाद खुवावो । महाराज

बाबा  थे तो दुंद दूँदाला थाने कहवे  सूंड सूंडाला। 
म्हारे रमता खेलता आबोजी सव देवां में बड़ा कहावो । महाराज

थे अन धन देवण वाला संकट का काटण वाला । 

दुख दलीदर दूर हटावोजी म्हाने धनवान वणावो । महाराज 

कहे माधोसिंह सुण देवा म्हें करां आप की सेवा ।
म्हारा मनकी आस पुरावोजी गुरूनंदजी का मान बढ़ावो । महाराज