उपासाचा उपमा

साहित्य-
२ वाट्या वरीचे तांदूळ, ४ वाट्या आधणाचे पाणी, ३-४ हिरव्या मिरच्या, १ मध्यम बटाटा,पाउण ते १ वाटी दाण्याचे कूट, २ चमचे तूप,जिरे,मीठ,साखर,ओले खोबरे, कोथिंबिर

कृती-
वरीचे तांदूळ कोरडेच तांबूस भाजून घ्या. आचेवरुन खाली काढा.त्यात आधणाचे पाणी घालून साधारण अर्धा ते पाउण तास झाकून ठेवा.आता हे आचेवर ठेवायचे नाहीत.तांदूळ अधून मधून ढवळा. वरी पाणी शोषून घेतील आणि मोकळे होऊ लागतील.
एका कढईत तूप जिर्‍याची फोडणी करा, त्यात हिरव्या मिरच्या आणि बटाटे चिरुन घाला.बटाटा शिजत आला की त्यात मघाचचे वरीचे तांदूळ घाला ,दाण्याचे कूट, ओले खोबरे आणि कोथिंबिर घाला.चवीनुसार मीठ आणि साखर घाला. चांगले ढवळा. झाकण ठेवून वाफा येऊ द्यात.
खायला देताना ओले खोबरे व कोथिंबिरीने सजवा. हवे असल्यास लिंबाची फोड द्या.