दोय डूंगरा बीच बेल पसरी,
बीरा रे आँगना आम्बो मोलीयो।
थे तो सुण सुणजी म्हारा सुगनाजी सायब,
नणंद पड़ोसन मती राख जो,
ब तो सोधन देख, यो सायबा सोधन मांग,
उठ सवार म्हासु कळकर,
बे तो थांका बेठनरा सायब घुड़लाजी मांग,
म्हारा ओढनरी बाला चुन्दडी।
म्हारा ओढ़नरी बेरंग चुन्दडी
म्हे तो आमाजी सामा मेल चिनावाँ,
जाँ बीच राखा बाईरा ओबरा।
म तो म्हारा गुंडलाजीदेशा
थारा ओढनकी बाला चुन्दडी।
म्हे तो केळीजी मोडर दातण बेठू,
झारी भर ल्याव म्हारा भानजा।
म तो डाळ रांधू भातरांधू,
करू ये मांगडयरो रायतो।
म्हे तो जीमण बेठर हेलोजी मारू,
आय परोस म्हारी बेनड़ी।
ए तो ऐवड़ छेवड़ म्हारा भाइरे भतीजा,
आधबीच सोव म्हारा भानजा।
भानजान देख्या म्हारो कँवल हुलसे।
भतीज्याँन देख्या म्हारो मन हँसे।
थे तो धन धन जी भवरीलाल* जी रा छावा,
बेंनारो मान बडो क-यो।
ब तो दुकाना बेठ्या बायीरा बिराजी बोल्या,
देवो म्हारी बेन आशीषडी थे,
थे तो बदजो ओ बीरा बडरे पीपल जूं।
फलज्योजी नारेळारा रुख जू।
ब तो झीणस घुँघट बाइरी भावज बोली,
देवो म्हारी ननंद आशिसडी
थे तो सात ए भावज पूत जण जो
ज्याबीच जण जो सुगणी धीयड़ी।
थारा धियाल्यान परदेश दीजो।
जूँ चित आवे भोळी ननूँदली।
म तो हार पोयर खुटयाजी मेल्यो
जा बाई सुनिता** थारे सासर।
* भवरीलाल कि जगह बनी के पिताजी का नाम लेना।
** सुनिता कि जगह बनी का नाम लेना।
ये गीत भुवा के मन कि बात दर्शाता है।
============================
============================
Thanks for reading till the end.
Readers are requested to share their opinion in comment section for better blog.
Please follow my other links listed below.
Please like my FB page and invite your FB friends to like this
Please visit and read my articles and if possible share with atleast one needy person accordingly
Watch my videos
Know about Indian Brands and products here
Indian products barcode starts with 890
No comments:
Post a Comment