बज बारस कहानी - शेठानी को टाबर
भादवा को महीनो आयो। बजबारस का दिन गायकी पूजा करण का लिय स्वर्ग की मोगण्या (अप्सरा) धरती पर आई। ब्यान एक गाय चरति हुई दिखी तो बा सगळी जन्या बिकी पूजा करबा लागि। आगसु पूजा कर तो शिंग मार लारसु पूजा कर तो लाथ मार। गाय पूजा करबा देव कोणी यो देखकर मोगण्या पूछी , "हे गौ माता , म्हे थारी पूजा करा और तू म्हान मार। यान क्यूँ ?" जरा गाय बोली , "म्हार बछड़ो कोणी। थे म्हारी पूजा क्यान करो। गाय का साथे बछडाकी पूजा करनी लाग। "
जरा स्वर्ग की मान्य दरभको बछड़ो बनायो और गाय कण रख दियो। गाय कण रखताही बो बछड़ो जीवतो हुयग्यो और गायको दूध चूट चुट पिवण लाग्यो। मोगण्या गौ माताकी पूजा करी और स्वर्ग वापस चली गयी। गाय आपरा बछड़ा न लेयर घर गई।
गायका साथे बछडान देखताही बिक मालकिन न गुस्सो आयो और बा रिसो बळबा लागी। मालकिन गायन समय पर चारो पानी नहीं देवती , पेट भर खावण नहीं देवती। जरा एक दिन गाय बिका मालकिन न पूछी , "शेठानीजी म्हारी काई गलती हुई ? थे क्यू रिसो बळो ? " जना मालकिन बोली, "थारा लिय बछड़ो लेने आयगी पर मन टाबर कोणी ई बात को काई उपाय कोणी करी। जीरा लिय मन रिस आई ह। " गाय बोली , "शेठानीजी थे रिसो माटी बळो अगली साल थान बज बारस का दिन टाबर ले देऊ। "
अगला साल बज बारस आई। गाय जंगलम चरबान गई। स्वर्ग की मोगण्या आई और बी गाय की पूजा करबा लागी। गाय आगसु पूजा कर तो शिंग मार , लारसु पूजा कर तो लाथ मार। मोगण्या बोली, "हे गोमाता, लारली साल थान बछड़ो दियो। अब थे म्हान पूजा करबा देओ। " जना गाय बोली," म्हारा मालकिन न टाबर कोणी। थे मन एक टाबर देवो तो पूजा करबा देऊ। " मोगण्या दरभको टाबर बनाओ और बिन दरभका झूला म रख्यो। संजीवनी को छिटो डेयर टाबर जीवतो क-यो। गाय पूजा करबा दी। मोगण्या झूलो लेयर गायका शिंग न बाँध दी और स्वर्ग चली गयी।
गाय घर आई और मालकिन न बोली ," ये ल्यो शेठणीजी , थाका लिय टाबर लायो। बेटो ह। " जना मालकिन न घणो आनंद हुयो। बाजा गाजा सु गाय और टाबर को स्वागत हुयो।
हे गौ माता मालकिन न बेटो दियो ब्यान सगळां न दीजो। घटती की पूरी करजो। भूल्यो चुक्यो माफ़ करज्यो। सवग भाग अमर रखज्यो।
=======================================================================
For moral stories, Lokkaths (stories in Indian culture), Lokgit (Lyrics of Indian songs) please visit
===========================================================
For study material and other career related information and interesting puzzles please visit
==========================================================
For interesting jokes, shayaries, poems, Indian products and apps information please visit
==========================================================
No comments:
Post a Comment