गाय और बाघ की बज बारस की कहानी

गाय और बाघ की बज बारस की कहानी 

एकदा एक गाय चरति चरति जंगल म घनी दूर गयी। बठ एक बाघ हो। बो गायन खावण का लिय बिका सामन आयो। जना गाय बोली, "ए बाघ, तू मन आज मत खा। म्हारा बछडान मिलर म सवारे आवु जना तू मन खाईजे।" बाघ गाय कनाउ बचन लियो और गायन जवान दियो।

शाम का गाय आपरा घर पुगी। बछड़ो गाय को दूध  लाग्यो तो गाय रोवन लागी। जना बछड़ो पूछ्यो, "माँ तू क्यूँ रोव ?" गाय बोली , "जंगल म एक बाघ ह। म बिन बचन दियो ह की म सवारे आउ जना बो मन खा सकीस। बेटा, म सवारे जंगल म जाउ तो बाघ मन खाइस। " जना बछड़ो बोल्यो, "माँ सवारे म भी थारा साथै जंगल म आइस।"

गाय घणो मना करी। पर बछड़ो मान्यो कोणी। और बो भी जंगल म गाय का साथे गयो। गायका साथे बछडान देखर बाघ खुश हुयग्यो। बित्ताम बछड़ो बाघ न कयो, "मामाजी मामाजी थे पहले मन खावो। " जना बाघ कायो, "तू मन मामाजी कयो। अब म थन क्यान खावु। अब तू म्हारो भांजो हुयग्यो। " पछ बाघ गाय गोरान घास खावण दियो। और गायन चुन्दडी ओढाई। स्वर्ग सु विमान आयो। गायरा सच्चाइरा वजह से बाघ शापमुक्त हुयग्यो। गाय, बछड़ो और बाघ बैकुंठम गया। घटती की पूरी करज्यो, पूरी की परवान करज्यो।

या कहानी का बाद बिनयाकजीकी कहानी केवणु।

===========================================================

For moral stories, Lokkaths (stories in Indian culture), Lokgit (Lyrics of Indian songs) please visit

http://lokgitbhajanevamkahaniya.blogspot.com/

===========================================================

For study material and other career related information and interesting puzzles please visit

http://allinoneguidematerial.blogspot.com/

==========================================================

For interesting jokes, shayaries, poems, Indian products and apps information please visit

http://taleastory.blogspot.com/

==========================================================