सूंड सुंडाळो बाबा बाबो धूंड धूंडालो
ओछिसी पिंडया कामण गाराओ राज।। म्हारा बिरद बिनायक ।।टेर।।
चालो बिनायक आपा जोशीडारे चाला
चालो बिनायक आपा जोशीडारे चाला
चोखा चोखा लगन लिखावा ओ राज म्हारा बिरद विनायक।। १।।
चालों बिनायक आपा सोनीडारे चाला
चालों बिनायक आपा सोनीडारे चाला
चोखा चोखा गेना घडावा ओ राज।। म्हारा बिरद बिनायक।।२।।
चालो बिनायक आपा कंदोईरे चाला
चालो बिनायक आपा कंदोईरे चाला
सोखी चोखी छाबा मुलावा ओ राज।। म्हारा बिरद बिनायक।।३।।
चलो बिनायक आपा बाजाजारे चाला
चलो बिनायक आपा बाजाजारे चाला
चोखा चोखा शालू मुलावा ओ राज।। म्हारा बिरद बिनायक।।४।।
चालो विनायक आपा चिरोईरे चाला
चालो विनायक आपा चिरोईरे चाला
चोखा चोखा चुडला चिरावा ओ राज ।। म्हारा बिरद बिनायक ।।५।।
चाली बिनायक आपा तम्बोळीरे चाला
चाली बिनायक आपा तम्बोळीरे चाला
चोखा चोखा बिडला मुलावा ओ राज।। म्हारा बिरद बिनायक ।।६।।
चालो बिनायक आपा खतिडांरे चाला
चालो बिनायक आपा खतिडांरे चाला
चोखा चोखा ढोल्या मुलावा ओ राज ।। म्हारा विरद बिनायक ।।७।।
चालो बिनायक आपा खैरातीरे चाला
चालो बिनायक आपा खैरातीरे चाला
चोखी चोखी चुंदड़ी मुलावा ओ राज ।। म्हारा विरद बिनायक ।।८।।
चालो बिनायक आपा लखारारे चाला
चालो बिनायक आपा लखारारे चाला
चोखा चोखा मुठ्या मुलावा ओ राज ।। म्हारा विरद बिनायक ।।९।।
चालो बिनायक आपा मोदीजीरे चाला
चालो बिनायक आपा मोदीजीरे चाला
चोखा चोखा इत्तर मुलावा ओ राज ।। म्हारा विरद बिनायक ।।१०।।
चालो बिनायक आपा पूरब देशारे चाला
चालो बिनायक आपा पूरब देशारे चाला
चोखा चोखा पलड़ा मुलावा ओ राज ।। म्हारा विरद बिनायक ।।११।।
चालो बिनायक आपा सजनारे चाला
चालो बिनायक आपा सजनारे चाला
चोखी चोखी बनडी परणीजां ओ राज।। म्हारा बिरद बिनायक।।१२।।
=======================
No comments:
Post a Comment