मेहंदी राचणी रो बाग लगाओ रसिया, मेहंदी राचणी।। टेर।।
कंकर जडियो टीको म्हारा सूसराजी घडावे
सासुजी लाय पेहराव रसिया, मेहंदी राचणी ----- ।। १।।
बहियांन चूडलो म्हारा जेठजीं घडावे
भाभीजी लाय पेहरा रसिया मेहंदी राचणी ----- ।। २।।
कंकऱज़डी राखी म्हारा ननदोईजी घडावे,
बाईजी लाय पेहरा रसिया मेहंदी राचणी ----- ।। ३।।
तारा जडी चूँदड म्हारा बीराजी मुलावै
नख-याळी भावज ओढावे रसिया मेहंदी राचणी ----- ।। ४ ।।
औरारी मेंदी म्हारे दाय न आवे
मांडे म्हारे लाल दिवरानी रसिया मेहंदी राचणी ----- ।। ५ ।।
पेहर ओढ धन महलामं पधा-या
साहेबजी निरखे रुप रसिया मेहंदी राचणी ----- ।। ६ ।।
=============
No comments:
Post a Comment