उत्तर दिखनशु राजा गांधी को आयो, (*)
आय उतरयो हरीया बढतळजी/
कायरी दांडी कायरा चेळा ,
तोल गांधी का बेटा किस्तुरी जी//
सोनारी दांडी राजा रुपारा चेळा ,
अकुनजी मुलाव राजा अकुनजी तुलाव ,
कासबजी मुलाव गोरा सुरज जी तुलाव ,
तोल गांधी का बेटा किस्तुरी जी---
छोटोसो ना डूल्यो जाम पाणि घाणेरो,
आयो पितरारो लष्कर बो घनो,
न्हाया तो धोया पितरजी हुयारे संतोषी,
म्हारा नाडुल्यार दूनी दूनी शिघचढ/
तोल गांधी का बेटा किस्तुरी जी---
छोटीसी पेटी जाम कपडा घणेरा,
आयो पितरारो लष्कर बो घनो,
पे-या तो आढया म्हारा पितरजी हुयारे संतोषी ,
म्हारी पेटीर दुनी दुनी शिघचढ /
तोल गांधी का बेटा किस्तुरी जी---
छोटीसी बाटकडी ज्याम केशर कुकू घोळ्यो,
आयो पितरारो लष्कर बो घनो ,
लगाया तो तिलक पितरजी हुयारे संतोषी ,
म्हारा बाटकडी दुनी दुनी शिघचढ /
तोल गांधी का बेटा किस्तुरी जी---
छोटीसी कढाई ज्याम लापशी रंधाई,
आयो पितरारो लष्कर बो घनो ,
जीम्या तो छुट्या पितरजी हुयारे संतोषी ,
म्हारी कढाई दुनी दुनी शिघचढ /
तोल गांधी का बेटा किस्तुरी जी---
कुणाजीरा बेटा कुणाजीरा पोता,
किश्या मायडरा ऊदर ऊपज्या,
बाबाजीरा बेटा दादाजीरा पोता ,
सुगनी मायडरा ऊदर ऊपज्या /
तोल गांधी का बेटा किस्तुरी जी---
(*) - गांधी के जगह अपनी जात (surname ) कहना/
============================
No comments:
Post a Comment