रुमझुम करती भिलणी

आरुमझुम करती भिलणी, कठीने चाली रे,

भोले बैठेकैलाशमे, बठीने चाली रे॥टेर॥

शंकर भोले जमाकेगोले, बैठे थे कैलाश मे,

रुमझुम करती आई भिलणी, आवाज पडी है कान मे,

रूप देख दंग भये सदाशिव, सुद खो डाली रे ॥१॥

बोले शंकर सुनो भिलणी,सुनलो बातहमारी

घरे चालकर सुख से रेवो,मालक बनजाम्हरी

तीन लोक री तू बनजासी,शीव पटराणी रे ॥२॥

बोलीभिलणी सुनो सदाशिव, भिल भवर म्हारे घरमे,

बिने मारकर मने  ले जावो, बाता होसी जगमे,

घर घर मेहोवेली निंदा, दे दे ताली रे ॥३॥

बोले शंकर सुनो भिलणी, तू ना डर थारा मनमे,

जटा मुकुट मे थणे छुपालू, मालूम पडसी किने,

तीन लोकरी थणे बनास्यु,मै पटराणीरे ॥४॥

थारा घरमे गौरी पार्वती,जटा मे गंगाबेवे रे,

वे अपनो हक नही छोडे सदाशिव,मने कियारेवण देवे,

नीत की होवे लडाई सदाशिव,दे दे गाली रे ॥५॥

गौरापार्वती ने पियर भेज दू, सुनो भिलणी राणी,

गंगा थारीकरे चाकरी, तू शिव की पटराणी,

तीन भवन की तू बनजासी शिव पटराणी रे ॥६॥

बैल चढू तो डरूसदाशिव, सिंग देख भय लागे,

पाळी तो मै कदे ना चाली,सच कहू थारे आगे,

बोले शंकर आवो भिलणी, पीठ हमारीरे ॥७॥

इतनी सब कुछ सुनके भिलणी,माया अपणीहटाई,

सामीऊबी हसे गोरजा, शंकर गये शरमाई,

मोची बनकरमने ठग लिनी, अब थारी बारी रे ॥८॥

भिलणी बनकर शंकरनेछळीयो, भोलाने नाच नचायो,

हे जगदंबे तेरी मायाको, पार कोई नाही पायो,

कहे सब भक्तगण तू है मैया,भक्त रखवाली रे ॥९॥

============================================

==========================================================

For moral stories, Lokkaths (stories in Indian culture), Lokgit (Lyrics of Indian songs) please visit

http://lokgitbhajanevamkahaniya.blogspot.com/

===========================================================

For study material and other career related information and interesting puzzles please visit

http://allinoneguidematerial.blogspot.com/

==========================================================

For interesting jokes, shayaries, poems, Indian products and apps information please visit

http://taleastory.blogspot.com/

==========================================================

For Peace and Harmony in Life please visit

https://www.dhamma.org

==========================================================